Zëvendëskryeministrja Belinda Balluku tha në Kuvend se shumë shpejt në Rinas do të mundësohen fluturimet transoqeanike pa pasur nevojë për tranzit, ku shqiptarët do nisen nga Tirana direkt drejt SHBA-së.
Balluku tha se pikërisht kjo gjë ka bërë që në Rinas të synohet zgjatja e pistës nga 2.8 në 3.2 km si dhe janë krijuar dy vendqëndrime në aeroport pikërisht për të pritur avionët transoqeanikë.
Kjo, tha Balluku, lind di nevojë e zgjerimit të aeroporti civile në vend, ku shumë shpejt Shqipëria do të ketë 4 aeroporte për të përballuar fluksin.
Balluku foli edhe për aeroportin ndërkombëtar të Vlorës punimet e të cilit pritet të përfundojnë në fund të dhjetorit 2024 dhe më pas të punohet për certifikimin e tij.
“ Duke nisur nga Rinasit përmes një rinegocionimi të kontratës koncesionare kemi bërë investime të reja, sot aeroporti është 3-fishuar për të përballuar të gjithë fluksin, këto investim shkuan edhe në pistën e aeroportit ku nga rreth 2.8 km e gatë të shkojë në 3.2 km që të akomodojë të gjitha fluturimet transoqeanike. Krijimi 9 vendqëndrimet të reja, ku dy prej të cilave janë për të përballuar avionët transoqeanik shpesh vullnetin e qeveris për të pasur një nivel tjetër operimi, që nuk do të jetë më e nevojshëm për shqiptarë që ti drejtohet pikave të tjera drejt fluturime transoqeanike si SHBA ku kemi dhe diasporën më të madhe do e bëjnë direk nga Rinasi. Aeroporti i Vlorës pritet të jetë një nga aeroportit më të madh në rajon jo vetëm për pasagjerët por edhe cargo dhe parashikojmë që në fund të dhjetorit 2024 të dorëzohet dhe më pas të vijojmë me licencimin e këtij aeroporti dhe në pranverën e 2025 të kemi ulje ngritje e para. Duhet që brenda muajt maj duhet të hapim garën për një aeroport të 4 në jug. Aeroporti Gjirokastër do jetë edhe i Sarandës që tashmë e mbështesim dhe me një infrastrukturë rrugore vetëm për 35 minuta”, tha Balluku.
Zv.kryeministrja shtoi se pikërisht ky zgjerim në fushën e aviacionit ka lindur dhe nevoja e disa ndryshimeve në shërbimet e lundrimit ajror “Albcontrol”.
“ Kjo është dhe arsyeja pse kërkojmë disa ndryshime në AlbControll se ka të bëje me zhvillimin zgjerues që kemi pasur që nga 2019. Numri totali fluturimeve pritet të rritet në 2024 me 10 % krahasuar me 2023. Të gjitha këto na vënë para një detyre që navigimi ajror duhet t’i përgjigjet kërkesës që vijnë nga aeroportet dhe kompanitë e fluturimit”, tha ajo.
/rtsh.al/
