Në aeroportin e Prishtinës “Adem Jashari” është ngritur alarmi për kërcënim me bombë teksa është vendosur në lëvizje edhe Policia e Kosovës.
Lajmin e ka konfirmuar zyrtarisht zëdhënësja e Aeroportit Valentina Gara.
“Konfirmojmë se kemi pranuar një kërcenim me bombë. Udhëtarët dhe personeli janë evakuar. Ekipet emergjente janë involvuar ne detyrat dhe përgjegjësitë e caktuara”, ka njoftuar Gara.
Nga ana tjetër, Policia e Kosovës thotë se informacioni për kërcënim ka ardhur rreth orës 16:00.
“Rreth orës 16:00 është pranuar informata për dyshimet që ndërlidhen me një shpërthim të mundshëm në Aeroportin Ndërkombëtar “Adem Jashari”. Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën”, thuhet në njoftimin e Policisë së Kosovës.
/rtsh.al/