Mjegulla e trurit nga e cila kanë vuajtur disa persona të infektuar me COVID, mund të shkaktohet nga rrjedhjet e enëve të gjakut, tregon një studim i ri.
Shkencëtarët mendojnë se infektimi me koronavirus shkaktoi përçarje në barrierën gjak-tru te disa persona, gjë që ata sugjeruan se mund të shkaktonte problemet njohëse. S
Studiuesit nga Trinity College Dublin dhe nga qendra kërkimore FutureNeuro analizuan mostrat e serumit dhe plazmës nga 76 pacientë që ishin shtruar në spital me koronavirus në mars ose prill 2020, si dhe nga 25 persona përpara pandemisë.
Gjetjet e tyre, të publikuara në Nature Neuroscience , treguan se ata me COVID të gjatë që kishin rrjedhje në barrierën gjak-tru, kishin mjegull truri, ndërsa ata pa ndërprerje jo.
Matthew Campbell, profesor i gjenetikës dhe hetues kryesor në FutureNeuro, përshëndeti studimin që tregon një shkak të mundshëm të gjendjes.
"Për herë të parë, ne kemi qenë në gjendje të tregojmë se enët e gjakut që rrjedhin në trurin e njeriut, së bashku me një sistem imunitar hiperaktiv, mund të jenë nxitësit kryesorë të mjegullës së trurit të lidhur me COVID-in e gjatë. Kjo është jashtëzakonisht e rëndësishme, pasi të kuptuarit e shkakut themelor të këtyre kushteve do të na lejojë të zhvillojmë terapi të synuara për pacientët në të ardhmen", tha ai./ Skynews
/rtsh.al/