Një zjarr elektrik shpërtheu në një kishë në qytetin egjiptian të Gizës duke lënë të vdekur 41 persona, shumë prej tyre fëmijë dhe dhjetëra të tjerë të plagosur. Zjarri nisi ndërsa 5000 besimtarë ishin mbledhur për meshë në Kishën Kopte Abu Sifin, raporton BBC.
Presidenti egjiptian Abdel Fattah al-Sisi ofroi ngushëllimet e tij të sinqerta për familjet e viktimave të pafajshme që sipas tij kanë kaluar të jenë me Zotin e tyre në një nga shtëpitë e tij të adhurimit.
Shkaku i saktë i zjarrit nuk është i qartë ndërsa një ekip ka shkuar në vendngjarje për të hetuar rrethanat e shpërthimit të zjarrit.
Giza shtrihet përtej Nilit nga Kajro dhe është pjesë e metropolit të Kajros së Madhe.
Të krishterët në Giza përbëjnë të paktën 10 milionë nga 103 milionë banorët e Egjiptit.
/rtsh.al/
