Prej 12 ditësh një biznesmen italian rezulton i zhdukur në Shqipëri.
Policia e Shtetit ka nisur hetimet për ngjarjen, ku i përfshirë është ish-arbitri dhe sipërmarrësi italian Davide Pecorelli, nga i cili nuk ka asnjë gjurmë që prej datës 6 janar 2021.
45-vjeçari kishte ardhur në Shqipëri për një udhëtim në disa zona të veriut të vendit ku po shikonte mundësinë e zhvillimit të bizneseve.
Automjeti i tij i marrë me qera në aeroportin e Rinasit u gjet i djegur me disa sende personale brenda mesnatën e 7 janarit.
Hetimet për ngjarjen kanë përfshirë edhe INTERPOL-in, ku hetuesit po analizojnë ADN-në e gjetur ne sendet brenda makinës aty ku u gjetën edhe mbetje kockore.
Pecorelli kishte investuar në Shqipëri, ndërsa në Itali zotëronte një hotel dhe disa parukeri. Ai është i martuar me një shqiptare, me të cilën ka edhe një fëmijë.
