Zgjerimi i BE-së, si dhe ruajtja e e të ardhmes së Evropës, ka bërë bashkë në Austri shumë personalitete politike nga Evropa dhe Ballkani Perëndimor. Kryeministri Edi Rama, po merr sot pjesë në “EUROPA- Forum Wachau” që mbahet në Götweig në rajonin Krems (Austri).
Pas takimit me kancelarin, kryeministri Rama është njohur edhe me një shqiptare nga Maqedonia e Veriut, Hasijen, me të cilën ka zhvilluar një bashkëbisedim. Përmes një video të ndarë në ‘Facebook’, zoti Rama ka përshëndetur të gjithë shqiptarët.
Biseda:
Edi Rama: Jam këtu me kancelarin austriak dhe Hasijen. Me kancelarin austriak sapo mbaruam, me Hasijen sapo u takuam. Më përshëndeti shqip dhe kur e pyeti gazetari a je nga Shqipëria apo Kosova, tha jo, jam nga Maqedonia e Veriut se ne jemi shqiptarë gjithandej. Hasije përshendeti pak shqiptarët
Hasija: Ju përshëndes të gjithëve dhe jam shumë shumë e lumtur që takova kryetarin, për hera e parë në jetën time në 58 vite që e takoj dhe jam shumë krenare që jam e vetmja shqiptare në Austri, jam takuar me kryetarin.
Edi Rama: Ka shqiptarë të tjerë që më kanë takuar.
Hasija: Jo, unë jam
Edi Rama: Po nga këto të Maqedonisë së Veriut, ti je më ylli nga të gjithë Hasije. Përshëndetje gjithëve në Maqedoni, Shqipëri, Kosovë, Luginën e Preshevës, nga Hasija edhe unë.
Hasija: Mirupafshim.
/rtsh.al/
