Njerëzit në përgjithësi kanë pasur një pamje të mrekullueshme të qiellit të natës gjatë historisë, duke frymëzuar mitet dhe legjendat më të hershme, deri te filmat e Hollivudit. Por ndotja nga drita do të thotë se njerëzit po humbasin ndjesinë për të parë yjet në qiell.
Ndërsa syri i njeriut duhet të jetë në gjendje të dallojë disa mijëra yje në një natë të kthjellët dhe të errët, pamja e Rrugës së Qumështit dhe dhjetëra konstelacioneve po humbet me shpejtësi.
Për shkak të ndotjes nga drita, vlerësohet se 30% e njerëzve në mbarë botën nuk arrijnë më të shohin qartë shkëlqimin e yjeve gjatë natës. Shifra befasuese vjen përmes analizës nga një program shkencor quajtur Globe at Night, i cili publikoi gjetjet e tij në revistën Science.
NOIRLab, një qendër kërkimore amerikane për astronominë, drejton studimin, i cili projekton se një fëmijë i lindur sot në një vend ku janë të dukshëm 250 yje, do të jetë në gjendje të shohë 100 deri në kohën kur të mbushë 18 vjeç.
Humbja e yjeve të dukshme të raportuara nga Globe at Night tregon një rritje të shkëlqimit të qiellit prej 9.6% në vit gjatë dekadës së fundit, shumë më tepër se 2% e matur nga satelitët.
/rtsh.al/