Ambasadorja e SHBA në Tiranë, Yuri Kim, ka përgëzuar pranimin e xhubletës në listën e Trashëgimisë Kulturore Jomateriale nën mbrojtjen e UNESCO-s. Nëpërmjet një postimi në Twitter, Yuri Kim, vlerëson xhubletën si një nga fustanet më të bukur në botë.
“Xhubleta është një nga fustanet më të bukur në botë. Është e mrekullueshme të shohësh trashëgiminë kulturore të njohur, të mbrojtur dhe të promovuar. Urime!”, shkruan Yuri Kim.
Xhubleta është veshje tradicionale e shqiptareve, veçanërisht e zonave malore.
/rtsh.al/