Presidenti Aleksandër Vuçiç ka thënë të premten se Serbia nuk do të njohë Kosovën për sa kohë që ai do të jetë në detyrë.
Në një intervistë për emisionin Tv-Prva, Vuçiç tha se “Beogradi nuk do ta njohë Kosovën deri në zgjedhjet presidenciale të vitit 2022“.
Presidenti serb deklaroi gjithashtu se Serbia nuk do të bëhet pjesë e NATO-s, sepse është një vend me ushtri neutrale.
“Unë mendoj se ky është pozicioni më i mirë, të vetëruash vendin tënd, dhe pikërisht këtë gjë do të vazhdojmë të bëjmë”, ka thënë ai.
Qëndrime të njëjta të ashpra ka mbajtur edhe më parë Vuçiç, ku e cilësoi marrëdhënien me Kosovën si një çështje që mund të shpërthente nga momenti në moment.
