Gjatë natës së mbrëmshme, janë djegur 3 makina në qytetet Vlorë dhe Shkodër. Në Vlorë, rreth orës 02:00, policia ka marrë njoftimin se një makinë po digjej në lagjen “10 korriku”. Zjarrfikësit, sëbashku me policinë, kanë shkuar në vendngjarje. Eshtë bërë e mundur shuarja e flakëve që kishin përfshirë makinën tip "Fiat 500" me targa bullgare në pronësi të F.J.
Por flakët kanë përfshirë edhe një makinë tjetër, e cila ka qenë parkuar pranë makinës tip ‘Fiat’. Nga këqyrja e vendngjarjes dyshohet se është zjarrëvënie e qëllimshme.
Edhe në Shkodër, gjatë natës, ka marrë flakë makina e një efektivi policie. Ngjarja ka ndodhur rreth orës 04:00 të mëngjesit, në lagjen “Tre Heronjtë”.
Sipas policisë, mjeti tip “Mitsubishi” ishte i parkuar pranë banesës së policit. Automjeti është në pronësi 54-vjeçarit S. K. Ende nuk dihet nëse kjo ngjarje është e qëllimshme ose flaka ka rënë aksidentalisht.
Policia ka nisur hetimet, lidhur me këto dy ngjarje.
/rtsh.al/