Franca po përballet me thatësirë historike që ka lënë më shumë se 100 komuna pa ujë të pijshëm. Qeveria franceze ka ngritur një ekip krizash ku nëpërnmet kamionëve po shperndajnë ujë në zona, raporton BBC.
Zyra e kryeministrit shprehet se është thatësira më e keqe e regjistruar në Francë duke sjellë kufizimin e ujit. Kompanisë shtetërore të energjisë EDF i është dashur të zvogëlojë prodhimin në disa termocentrale bërthamore, pasi temperaturat e lumenjve janë shumë të larta për të siguruar ftohje të mjaftueshme.
Ekziston frika se thatësira duke goditur pothuajse të gjithë Francën kontinentale do të ulë rendimentet e të korrave, duke përkeqësuar krizën ushqimore të shkaktuar nga lufta në Ukrainë.
Vala e të nxehtit që ka pjekur Francën që nga qershori ka bërë që pemët dhe shkurret të hedhin gjethet herët, duke krijuar skena që duken vjeshte.
Në korrik, Franca kishte vetëm 9,7 mm (0,38 inç) shi, duke e bërë atë muajin më të thatë që nga marsi i vitit 1961.
Ujitja është ndaluar në pjesën më të madhe të veriperëndimit dhe juglindjes së Francës për të ruajtur ujin.
Kushtet e thata pritet të vazhdojnë për të paktën dy javët e ardhshme.
/rtsh.al/
