Nëse jeni duke përjetuar simptoma të COVID-19, me siguri po kërkoni mënyra për t'u ndjerë më mirë. Kuzhina juaj ju ofron zgjidhjen më të mirë për të mbështetur sistemin tuaj imunitar, pasi ai gjithashtu lufton me virusin. Ka disa ushqime që mund të hani dhe në këtë mënyrë mund të ndihmoni në zbutjen e simptomave tuaja të COVID-19.
Avokado
COVID-19 rrit inflamacionin në trup, i cili mund të çojë në një sërë simptomash nga dhimbjet e trupit deri te dëmtimi i organeve. Studiuesit zbuluan se antioksidanti glutathione, është përgjegjës për luftimin e stresit oksidativ në trup i cili është i mangët tek njerëzit e të gjitha moshave me infeksione COVID-19 duke konsumuar avokado do të arrini të furnizoni organizmin tuaj me këtë antioksidant.
Kosi
Kosi dhe ushqimet e tjera probiotike mund të ndihmojnë në rivendosjen e baktereve të shëndetshme në zorrët tuaja, duke ju ndihmuar të ndiheni më mirë dhe duke reduktuar shanset e infeksioneve dhe sëmundjeve të mëvonshme ndërsa jeni duke u shëruar nga COVID-19 .
Specat
Nëse keni kollë të vazhdueshme, specat mund t'ju ndihmojnë sepse janë të pasura me kapsaicin. Një studim i kryer në janar 2015 në Respiratory Medicine zbuloi se kolla kronike u ul ndjeshëm te njerëzit që merrnin pluhur kapsaicin çdo ditë për katër javë.
Shalqini
Nëse keni probleme me pirjen e lëngjeve të mjaftueshme, provoni të hani ushqime të pasura me ujë dhe lëndë ushqyese. Shalqiri është mbi 90% ujë dhe është një burim i mirë i vitaminës A dhe vitaminës C.
Supë pule
Supa e pulës është ushqimi klasik kur jeni sëmurë dhe në fakt ka një arsye shkencore. Në vitin 2000, studiuesit në Qendrën Mjekësore të Universitetit të Nebraskës e vunë në provë supën e pulës dhe gjetën një efekt të butë anti-inflamator e cila ndihmoi në frenimin e neutrofile, që janë shkak i njohur i prodhimit të mukozës në infeksionet respiratore si COVID- 19.
Peshk ton
Peshku ton mund të jetë çelësi për t'u ndjerë më mirë dhe për të luftuar simptomat e COVID-19. Peshku ton, veçanërisht toni albacore, është i pasur me acide yndyrore omega-3 dhe vitaminë C, të cilat mund të ndihmojnë në uljen e inflamacionit në trup.
/rtsjh.al/
