Kancelari gjerman Olaf Scholz përshëndeti të shtunën një vendim të Gjykatës Ndërkombëtare Penale (ICC) për lëshimin e një urdhër-arresti për presidentin rus Vladimir Putin, duke thënë se ai tregon se "askush nuk është mbi ligjin", njofton Deutsche Welle.
ICC bëri thirrje të premten për arrestimin e Putinit me dyshimin për dëbim të paligjshëm të fëmijëve dhe transferim të paligjshëm të njerëzve nga Ukraina në Rusi që kur Moska filloi pushtimin e saj ndaj fqinjit të saj vitin e kaluar. Gjermania është anëtare e ICC.
"Gjykata Ndërkombëtare Penale është institucioni i duhur për të hetuar krimet e luftës... Fakti është se askush nuk është mbi ligjin dhe kjo është ajo që po bëhet e qartë tani," tha Scholz në një konferencë të përbashkët shtypi në Tokio me kryeministrin japonez Fumio Kishida.
Lëvizja e ICC-së do të kërkonte që 123 shtetet anëtare të gjykatës të arrestonin Putinin dhe ta transferonin atë në Hagë për gjykim nëse ai shkel në territorin e tyre. ICC lëshoi gjithashtu një urdhër për Maria Lvova-Belova, komisionerja ruse për të drejtat e fëmijëve, për të njëjtat akuza.
Ndërkohë presidenti rus Vladimir Putin mbërriti në Krime për një vizitë për të shënuar përvjetorin e nëntë të aneksimit të gadishullit rus nga Ukraina, njoftuan mediat shtetërore ruse.
Sipas videos së shfaqur në televizionin shtetëror rus, Putin mbërriti në Sevastopol, shtëpia e bazës kryesore detare ruse.
Me të mbërritur në Sevastopol, Putini u përshëndet nga Guvernatori i instaluar nga Moska, Mikhail Razvozhayev dhe u dërgua për të parë një qendër të re për fëmijë dhe shkollë arti.
( Sipas Deutsche Welle )
