Artileria ukrainase ka goditur një seli të grupit paraushtarak rus të mercenarëve Wagner, në lindje të Ukrainës. Sulmi në Popasna u raportua nga Serhiy Hayday, guvernatori ukrainas i rajonit të Luhansk, dhe disa reporterë të luftës pro-Kremlinit.
Numri i viktimave si dhe detajet nuk janë ende të qarta. Grupi u vendos në Krime dhe rajonin e Donbasit të Ukrainës në vitin 2014, kohë kur forcat e mbështetura nga Kremlini dëbuan trupat ukrainase nga zonat, që më vonë deklaruan se ishin pjesë e Rusisë.
Njësitë Wagner janë dërguar edhe në Siri, Libi, Mali dhe Republikën e Afrikës Qendrore. BBC
/rtsh.al/