Twitter do të vijë me një ndryshim të ri. Në një njoftim të dhënë nga kompania, bëhet me dije se Twitter do u japë përdoruesve një buton redaktimi. Javët e ardhshme abonentët e Twitter Blue do të mund ta sigurojnë butonin e redaktimit për 4.99 dollarë në muaj.
"Nëse shihni një Tweet të redaktuar, kjo është për shkak se ne po testojmë butonin e redaktimit. Kjo po ndodh dhe ju do të jeni mirë," shkroi kompania në Twitter.
Tweet-et do të jenë të disponueshme për t'u modifikuar disa herë brenda 30 minutave pas postimit. Twitter Blue aktualisht është i disponueshëm në SHBA, Kanada, Australi dhe Zelandën e Re, por testet fillestare do të kufizohen vetëm në një vend.
“Ju duhet të jeni në gjendje të merrni pjesë në bisedë në një mënyrë që ka kuptim për ju dhe ne do të vazhdojmë të punojmë në mënyra që e bëjnë të ndihet e lehtë për ta bërë këtë”, tha kompania. Bashkëthemeluesi i kompanisë dhe ish-shefi ekzekutiv ka thënë se ndoshta nuk do të jepte kurrë një buton redaktimi.
Por në prill, Elon Musk, në atë kohë duke planifikuar të blinte kompaninë, postoi një sondazh në Twitter, në të cilin 73.6% e 4.4 milionë të anketuarve thanë se donin një të tillë. Megjithatë, disa thonë se është e panevojshme ose në kundërshtim me frymën e platformës.
/rtsh.al/
