Mungesa e prodhimit vendas e qepës ka bërë që tregtare në Elbasan të tregtojnë prodhime të importuara nga Egjipti.
Pak ditë më parë 1 kg qepë tregtohej me 80 lek, ndërsa sot çmimi i saj është dyfishuar duke u bërë që të shitet me të paktën 150 lekë.
Të paktë janë ata tregtarë që shisnin produktin e qepës, ata shprehen se situata është tepër alarmante, pasi kanë një mungesë të tregut vendas duke u detyruar ta marin nga Egjipti.
Rritja e çmimit vjen si pasojë e transportit, për ta janë të shumta rastet kur qytetarët shikojnë tezgat e tyre dhe largohen pa blerë asgjë.
Ndërkohe nga ana tjetër qytetarët dhe komsumatorët shprehen se ky çmim është i papërballueshëm.
Sipas tyre jo vetëm çmimi i qepës është rritur, por edhe i produkteve të tjera çka ka reduktuar dhe konsumin e tyre.
Prej nisjes së pandemisë familjet shqiptare janë përballuar disa herë me rritje të çmimit të shportës.
/rtsh.al/