Prej gati 60 vitesh fermeri nga Konispoli Idriz Zeqiri ka mësuar të përkujdeset për kulturën e ullinjve . Ai ullinjtë i ka të trashëguar nga familja e tij dhe më pas i janë kthyer edhe në pasionin e tij të jetës . Tashmë 66 vjeçari ka të mbjella me to 10 dynym tokë.
Fermeri thotë se për ullinjtë e Konispolit dhe për vajin që nxirret prej tyre ka kërkesa të larta .
Nga viti në vit në bashkinë e Konispolit fermerët po shtojnë sipërfaqet e mbjella me këtë kulturë bujqësore pasi klima në këtë zonë e favorizon tepër.
/RTSH/
