RTSH 24 Live

Coronavirus

Tomini në RTSH: E pamundur të fshihen vdekjet!

21/11/2020

Tomini në RTSH: E pamundur të fshihen vdekjet!

Shefja e Survejancës pranë ISHP, Eugena Tomini, e ftuar në emisionin "Java" në RRSH, ka folur lidhur me akuzat e kryedemokratit Lulzim Basha, se spitalet po fshehin vdekjet e pacientëve të infektuar. Ajo tha se për rastet e humbjeve të jetëve zbatohet protokolli dhe se nuk ka asnjë fshehje shifrash. Zonja Tomini spjegoi se çdo rast shoqërohet me skedën e vdekjes dhe nga ana tjetër çdo familjar pyetet nëse duan autopsi në rast të dyshimeve. “Si mjeke po ju them se nuk mundemi që të fshehim apo tjetërsojmë një vdekje për arsye se nga ana ligjore dhe asaj profesionale nuk më lejohet që në mbylljen e kartelës kundrejt morgut të bëj një veprim të tillë. As unë dhe as kolegët e mi e kemi të pamundur ta bëjmë diçka të tillë” Shefja e Survejancës pranë ISHP, Eugena Tomini për emisionin "Java" në RTSH.