Prej gati 10 vitesh në Gjirokastër funksionon qendra terapeutike e zhvillimit të fëmijëve. Në këtë qendër ofrohen trajtime specifike për rreth 70 fëmijë nga të gjitha njësitë vendore të qarkut.
Fëmijët që vijnë në qendër pa një diagnozë të përcaktuar u bëhet një vlerësim nga specialistët e qendrës dhe më pas përcaktohen terapitë zhvilluese që duhet të kryejnë.
Në Ditën Botërore të Aftësisë se Kufizuar kryetarja e këshillit të qarkut Gjirokastër Lindita Rova kërkon prej prindërve të mos neglizhojnë asnjë problem që konstatoje tek fëmijët e tyre qofte ai më i thjeshti si shqiptimi i shkronjave.
Prej 10 vitesh në qendrën terapeutike të zhvillimit të fëmijëve në Gjirokastër janë trajtuar fëmijë me diagnoza të ndryshme. Sipas rasteve specifike fëmijëve u është ofruar terapi individuale, në grup edhe fizioterapi.
/rtsh.al/