Partia Socialdemokrate e Kosovës ka protestuar para godinës së qeverisë së Kosovës, pasi kundërshton marrëveshjen ndërmjet Prishtinës dhe Beogradit për normalizimin e raporteve midis dy vendeve.
Protestuesit lëshuan tymuese dhe vendosën flamuj të bardhë para godinës së qeverisë së Kosovës.
Kryetari i partisë Socialdemokrate Dardan Molliqaj është shprehur se marrëveshja s’ka legjitimitet dhe është kundër interesave të qytetarëve të Kosovës.
“Kurrgjë s’ka ndërruar në Serbi, që më ndërruar qëndrimin Kosova. I vetmi që ka ndryshu kryeministri i cili tani po e don pushtetin më shumë se sa shtetin. Për ne është e qartë se cilën Kosovë e duam. E duam Kosovën të gjithë pa dallime, e duam Kosovën e UÇK-së.. Atëherë kur është dasht ta përdor për kundërshtarët e vet politikë, e ka pagëzuar Asociacionin si Zajednicë. Tani që u themelua, Asociacionin po e quan vetë menaxhim”, theksoi Molliqaj.
Sipas tij, qeveria Kurti ka lejuar krijimin e Zajednicës në veri të Kosovës.
“Refuzimi i marrëveshjes së ripërcaktimit të kufijve, duke e etiketuar Shtëpinë e Bardhë, duke e përjashtuar Luginën e Preshevës dhe në anën tjetër duke e pranuar Zajednicën në vilën e Titos nuk është e rastësishme”, ka thënë Molliqaj.
/rtsh.al/