Gazetari Arion Sulo ka deklaruar në emisionin “3D” të Alban Dudushit në RTSH1 se shqiptarët i kanë borxh të madh të vërtetës historike për luftën dhe të vrarët në Luftën e Dytë Botërore.
Sulo vuri në dukje se deri në mbledhjen e Mukjes, shqiptarët kanë bërë rezistencë ende pa ardhur komunistët.
Sipas tij, antifashizmi ka qenë i gjerë nuk ka qenë vetëm nga njëri krah.
“Studiuesi Mariglen Kasmi flet për 7 mijë të vrarë partizanë. Sipas studimeve të tij, deri në vitet 60’ llogariteshin pensionet se pastaj me krizën ekonomike nuk dihej më. 6 deri në 7 mijë merrnin statusin e dëshmorit. Ne i kemi një borxh të madh të vërtetës, humbjeve dhe sakrificës njerëzore që kanë bërë ata njerëz për të mos i vlerësuar për jetën që kanë dhënë, për sakrificën që kanë bërë. Edhe te pjesa e nacionalistëve, deri te Mukja ne kemi pasur rezistencë, të parët që kanë bërë rezistencë kanë qenë luftëtarët, të 39-s, komunistët erdhën në 41’, legaliteti në 43’. Pra, antifashizmi ka qenë i gjerë nuk ka qenë vetëm nga njëri krah. Ky është borxhi që ne i kemi historisë dhe duhet rishkruar atë që ne kemi thënë”, u shpreh Sulo.
/rtsh.al/
