Ambasada britanike në Tiranë ka reaguar ndaj sulmit kundër kreut të Partisë Demokratike Sali Berisha në protestën antiqeveritare të së martës ndërsa në Tiranë po mbahej Samiti BE - Ballkanit Perëndimor.
Në një postim në Twitter, ambasada britanike shkruan se do të mbështesë gjithnjë të drejtën për protestë paqësore ndërsa e konsideroi ngjarjen një sulm i papranueshëm ndaj fjalës së lirë.
"Dhuna nuk ka vend në demokraci. Mbretëria e Bashkuar do të mbështesë gjithmonë të drejtën për protestë paqësore. Sulmi ndaj Sali Berishës është një sulm i papranueshëm ndaj fjalës së lirë. Mbretëria e Bashkuar dhe Shqipëria qëndrojnë krah për krah në mbështetjen tonë për demokracinë dhe shtetin e së drejtës" shkruan ambasada britanike në Tiranë.
Më parë ngjarjen e kishin dënuar edhe ambasada e SHBA, ajo e BE dhe misioni i OSBE-së.
/ rtsh.al /
