Rusia ka kërkuar një takim të Këshillit të Sigurimit të OKB-së të enjten (11 gusht) në lidhje me sulmet në termocentralin bërthamor të Zaporozhye raporton Tass.
Në takim Rusia ka kërkuar pjesëmarrjen e Drejtorit të Përgjithshëm të Agjencisë Ndërkombëtare të Energjisë Atomike (IAEA), Rafael Grossi, i cili do të bëjë një raport për këtë çështje.
“Rusia kërkoi një konferencë të Këshillit të Sigurimit të OKB-së që të mbahej pasditen e 11 gushtit, në lidhje me sulmet e fundit të Ukrainës në NPP Zaporozhye dhe pasojat e tyre të mundshme katastrofike”, thuhet në njoftim.
Rusia dhe Ukraina prej ditësh akuzojnë njëra-tjetrën për sulmet me bomba në Zaporozhye, termocentralin më të madh bërthamor në Europë i cili kontrollohet nga rusët që prej nisjes së luftimeve, por operohet ende nga teknikë ukrainas.
Sekretari i Përgjithshëm i OKB-së, Antonio Guterres tha se çdo sulm mbi centralin bërthamor do të ishte “vetëvrasje” dhe kërkoi që inspektorët e OKB-së të kenë qasje në Zaporizhja.
/rtsh.al/
