RTSH 24 Live

Politikë

Spiropali-Berishës: Ke qëlluar 1800 plumba në bulevard! Spaho: Ty s'të vret njeri, nuk vlen

22/09/2022

Spiropali-Berishës: Ke qëlluar 1800 plumba në bulevard! Spaho: Ty s'të vret njeri, nuk vlen

Diskutime të forta ka pasur sot (22 shtator) në Kuvend mes opozitës dhe mazhorancës lidhur me reformën në drejtësi. Ministrja për Shtetin dhe Parlamenti, Elisa Spiropali ka akuzuar kreun e PD zgjedhur nga procesi i Rithemelimit, Sali Berisha se ka qëlluar 1800 plumba në bulevardin Dëshmorët e Kombit dhe nuk mund të flasë për drejtësi.

Një shprehje thotë se historia nuk përsëritet asnjëherë njësoj, njëherë si tragjedi dhe njëherë si komedi. Kjo që dëgjuam ishte për të qeshur se kur qeverisnit i bëntë njerëzit për të qarë. Të dëgjojmë këtë batare fjalësh nga hall i një njeriu të vetëm. E gjithë opozita është marrë peng nga dy persona si ata grabitësit e bankës që mbajnë peng personelin në bankë për të shpëtuar paratë e tyre dhe për të siguruar arratinë. Nuk ndryshon hall ii tyre dhe këta i përgjigjen hallit dhe jo çështjeve. U ul në këtë anë të parlamentit dhe pretendoi se është përfaqësues i socialistëve, por socialistët kur shohin atë shohin një thesshqekësh, që i ka qëlluar drejtpërdrejtë, të rinj dhe të vjetër, burra dhe gra pa diskutim, 1800 plumba në bulevardin e Dëshmorët e Kombit, çfarë përfaqësimi për çfarë po flet.

Duke deklaruar Edi Rama është armik patjetër këtë frymë do fusi. Patjetër u ngrit ajo zona në takim të tij dhe tha më jep leje për të vrarë Edi Ramën. Patjetër se ky ka qenë monopoli i dhënies së lejeve për të vrarë njerëz në këtë vend. Mbani mend kur dilnim ne dhe flisnim për financimin rus të PD, ai thotë kërkoj një audit të plotë sepse ka ikur Luli bashkë me rublat ruse. Ky ishte i pari që vend më vend mbronte Lulin. Ky është i gatshëm të shpallë tradhtarë dhe heronj sa herë i duhet. Ka edhe ndonjë zonjë apo zotëri tjetër për të cilët nuk ka rëndësi fare koherenca politike. Luli i mirë, Luli i keq. Mendoni se me këto do fitoni ju besimin. Por njerëzit ju lexojnë. Nuk ka nevojë t’ju hakërojnë se jeni të lexuar”, tha Spiropali.

Deputeti Edmond Spaho ka reaguar menjëherë, duke e konsideruar deklaratën e Ministres një teatër. “Lëreni teatrin. Partia që i krijoi dosjet nuk mund ti hapë. Dua t’i them Spiropalit se ty nuk të vret njeri, pa merak se nuk vlen”, u shpreh Spaho.

/rtsh.al/