Skënder Gjinushi në "Dekalog": Në nëntor 2021 do mbahet Kuvendi i Albanologjisë

Në muajin nëntor pritet të mbahet në Tiranë Kuvendi i Albanologjisë. Lajmi u bë publik nga Kryetari i Akademisë së Shkencave Skënder Gjinushi në emisionin "Dekalog" në RTSH 24.  Në kuvend do të marrin pjesë përfaqësues nga 120 qendra albanologjike në të gjithë botën. Kuvendi do të hartojë disa platforma dhe studimee të nevojshme në disa fusha. Zoti Gjinushi tha se është ngritur një grup pune dhe po punohet për organizimin e këtij kuvendi, i pari në historinë e Akademisë së Shkencave në këto përmasa.