SHBA ka mirëpritur pezullimin e masave të reciprocitetit me Serbinë nga ana e qeverisë së Kosovës.
Ambasadori amerikan në Kosovë, Jeffrey Hovenier ka shkruar në Twitter se zbatimi i masave të reciprocitetit për targat dhe dokumentet për hyrje/dalje, të dyja masat janë plotësisht në përputhje me marrëveshjet e Brukselit dhe të koordinuara me komunitetin ndërkombëtar.
“SHBA mirëpret vendimin e liderëve të Kosovës për të pezulluar përkohësisht zbatimin e masave të reciprocitetit për targat dhe dokumentet për hyrje/dalje, të dyja masat janë plotësisht në përputhje me marrëveshjet e Brukselit dhe ishin të koordinuara me komunitetin ndërkombëtar”, shkruan ambasadori amerikan.
/rtsh.al/