Shtëpia e Bardhë ka hartuar një plan për të luftuar rritjen e antisemitizmit në mes të një debati të vazhdueshëm rreth asaj se si duhet të përkufizohet urrejtja anti-hebreje, veçanërisht kur ajo lidhet me Izraelin.
Presidenti Joe Biden prezantoi strategjinë të enjten, duke u bërë thirrje të gjithë njerëzve që të veprojnë kundër antisemitizmit.
“Në disa vitet e fundit, urrejtjes i është dhënë shumë oksigjen, sigurisht në rritjen rekord të antisemitizmit. Është thjesht e gabuar. Është imorale. Është e papranueshme. Na takon të gjithëve ta ndalojmë”, u shpreh Biden.
Plani bën thirrje për përmirësimin e edukimit rreth antisemitizmit; forcimin e sigurisë për komunitetet hebraike; përmbysjen e “normalizimit” të diskriminimit antisemitik nga të famshëm dhe politikanë; dhe ndërtimi i “solidaritetit ndërkomunitar” për të luftuar fanatizmin.
Biden citoi statistikat e FBI-së që thonë se antisemitizmi ka bërë që 63 për qind të krimeve të jenë me motive fetare.
Në planin e saj, administrata Biden nuk miratoi përkufizimin e punës të Aleancës Ndërkombëtare të Përkujtimit të Holokaustit (IHRA) për antisemitizmin si kornizën e saj të vetme për të kuptuar urrejtjen anti-hebreje.
/rtsh.al/