SHBA kanë arritur marrëveshje partneriteti me udhëheqësit e ishujve të Paqësorit në samitin e mbajtur më 28 shtator. Zyrtari amerikan thotë se udhëheqësit e Paqësorit miratuan deklaratën e përbashkët një ditë pasi dokumentet e zbuluara treguan mosmarrëveshje midis grupit lidhur me propozimet.
Shtetet e Bashkuara thanë se kishin rënë dakord për një partneritet për të ardhmen me ta dhe kishin ofruar perspektivën e ndihmës së "dollarit të madh" për një rajon ku shpreson të frenojë ndikimin në rritje të Kinës.
Administrata Biden sipas The Guardian, do të njoftonte se do të investonte më shumë se 860 milionë dollarë në programe të zgjeruara për të ndihmuar ishujt në samitin dy-ditor.
Sekretari i Shtetit, Antony Blinken, përshëndeti liderët në samit dhe premtoi se SHBA do mbështesë partneritetin me ta. "Ju mund të mbështeteni në partneritetin e Shteteve të Bashkuara me ju", tha Blinken.
/rtsh.al/
