Shangai i Kinës ka ndërprerë transmetimin në komunitet të COVID-19 në 15 nga 16 rrethet e tij, sipas një konference shtypi mbi parandalimin dhe kontrollin e epidemisë të mbajtur të hënën, njofton “Xinhua”.
Aktualisht, numri i njerëzve që jetojnë në "zona të mbyllura të menaxhimit" ka rënë në jo më shumë se 1 milion dhe epidemia është vënë efektivisht nën kontroll.
Megaqyteti, me një popullsi prej mbi 24 milionë banorësh, raportoi të dielën 69 raste të konfirmuara me COVID-19 të transmetuara në vend dhe 869 raste lokale asimptomatike, njoftoi komisioni komunal i shëndetësisë.
Shangai ka planifikuar punën e tij të kontrollit të epidemisë për periudhën e ardhshme, duke e ndarë atë në tre faza, tha Zong Ming, nënkryetar i bashkisë së Shangait.
Sipas Zong, nga 1 qershori, Shangai pritet të rivendosë plotësisht rendin normal të prodhimit dhe jetës në të gjithë qytetin me masa standarde të parandalimit dhe kontrollit të epidemisë, duke parandaluar rreptësisht çdo rilindje të epidemisë.
Autoritetet hekurudhore do të rrisin gradualisht numrin e trenave në hyrje dhe në dalje në stacionin hekurudhor Shangai Hongqiao dhe në stacionin hekurudhor të Shangait nga e hëna dhe gradualisht të rifillojnë funksionimin normal. Fluturimet e brendshme për në Shangai gjithashtu do të rifillojnë gradualisht.
Ndërkohë, Shangai do të promovojë edhe rifillimin e punës, arsimimit dhe prodhimit hap pas hapi.
