Fermerët e Divjakës, janë në sezonin e shitjes së patates. Këtë vit çmimi mbetet sërish i lartë. Por, shqetësim për fermerët është rënia e rendimentit të produktit, për shkak të dëmit që shkaktoi i ftohti dhe ngricat në fillim të Pranverës.
Prodhuesit e patates pohojnë se ky produkt po tregtohet me 70 lek për kg, por ata janë të pakënaqur pasi kostot janë tepër të larta.
Ulja e sasisë së prodhimit të patates nuk ka patur shumë ndikim në çmim. Një muaj më parë ajo u tregtua mbi 100 lekë për kg, duke shënuar çmimin më të lartë që ka pasur ndonjëherë patatja.
Ndërsa, në tregun e pakicës ajo shitet dyfish më shtrenjtë, krahasuar me çmimin që ofron fermeri prodhues.
/RTSH/