Kancelari gjerman Olaf Scholz ka nisur një vizitë dy ditore në Ballkanin Perëndimor. Në kuadër të kësaj vizitë, Scholz ka mbërritur pak më parë në aeroportin e “Adem Jashari” ku është pritur nga Kryeministri i Kosovës Albin Kurti dhe ambasadori gjerman Jorn Rhode. Lajmi është bërë me dije nga Kryeministri Kurti teksa ka publikuar në rrjetin social Facebook pamjet nga pritja e Kancelarit të Republikës Federale të Gjermanisë.
Avioni i Scholz ka mbërritur në aeroport rreth orës 09:45 minuta dhe në orën 10:45 do të takohet me Kurtin në Kryeministri. Stacionet e radhës ku do të ndalet Scholz në vizitën e tij janë Serbia, Maqedonia e Verit, Bullgaria si dhe Greqia, duke përjashtuar nga vizita Shqipërinë. Në fokus të bizedimeve të tij në takimet që do zhvillojë, do të jetë afrimi i vendeve të Ballkanit Perëndimor me BE-në.
/rtsh.al/
