Saranda po përjeton rikthimin e bumit turistik të para pandemisë. Operatorët turistik thonë se është një nga destinacionet kryesore të tureve disaditore që bëjnë turistët nga Europa Perëndimore në Shqipëri.
Vitet e fundit Saranda është kthyer në destinacionin kryesor për plazh nga turistët e Maqedonisë, Malit të zi dhe Kosovës. Së fundmi, hapja e rrugës së re Kardhiq – Delvin pritet të shtojë më tepër numrin e tyre këtë verë.
Në 2019, Saranda u vizitua nga më shumë se 800 mijë vizitorë nga e gjithë bota ndërkohë që këtë vit pritshmëritë e tur-operatorëvë janë më të larta.
/rtsh/
