Sekretari i Përgjithshëm i NATO-s, Jens Stoltenberg, në një konferencë për mediat nga Madridi, ka shprehur shqetësime për partneritetin në rritje midis Moskës dhe Pekinit.
Stoltenberg u tha gazetarëve se Kina po ndërton "në mënyrë thelbësore" ushtrinë e saj, duke përfshirë armët bërthamore. Ai shtoi se vendi po ngacmonte fqinjët e tij dhe po kërcënonte Tajvanin, si dhe po monitoronte dhe kontrollonte qytetarët e tij dhe po "përhap gënjeshtra dhe dezinformata ruse".
Shefi i NATO-s theksoi se Pekini nuk është kundërshtar i NATO-s, por shtoi se kishte sfida serioze për sigurinë.
“Sfidat globale kërkojnë zgjidhje globale”, shtoi ai.
I pyetur nëse NATO po supozon se ne po hyjmë në një Luftë të dytë të Ftohtë, Stoltenberg thotë se NATO është përpjekur për marrëdhënie më të mira me Rusinë për dekada të tëra. Ai shtoi se Rusia u ftua të merrte pjesë në shumë aktivitete dhe u konsiderua një partner strategjik i NATO-s në vitin 2010, por shtoi se është Rusia ajo që u largua nga përpjekjet për të ndërtuar partneritet.
“Rusia e ka bërë këtë me një model sjelljeje, duke përdorur forcën kundër Gjeorgjisë, duke aneksuar Krimenë dhe duke përdorur forcën në Donbas në Ukrainën lindore që nga viti 2014. Marrëdhëniet e NATO-s me Rusinë janë në nivelin më të ulët që nga fundi i Luftës së Ftohtë, por nuk ka dyshim se përgjegjësia për këtë është nga Rusia”, tha ai.
Stoltenberg shtoi se ka plane për të rritur numrin e trupave të NATO-s në gatishmëri të lartë në 300,000 që duhet të jenë në fuqi deri në vitin e ardhshëm./ BBC
/rtsh.al/
