Bullgaria duket se është kthyer në epiqendër të Samiti të BE-së me vendet e Ballkanit Perëndimor, për shkak të vetos së ripërsëritur të saj kundër Maqedonisë së Veriut, për vijueshmërinë e procesit të integrimit në BE, veto e cila po mban peng edhe Sqipërinë.
Mes kryeministrit maqedonas dhe atij bullgar në largim, ka pasur tensione në samitin BE- Ballkani Perëndimor në Bruksel.
Kryeministri bullgar në largim, Kirill Petkov, ka takuar të pranishmit në sallë. Ai, në një moment, ka përshëndetur edhe kryeministrin maqedonas, Dimitar Kovaçevski, i cili, nga pamjet, duket se i flet me ton të ashpër, madje duke i drejtuar gishtin. Gjestet në fjalë kanë bërë xhiron e mediave të huaja kryesisht maqedonase, por edhe në ato bullgare.
Kjo klimë tensioni mes dy kryeministrave shpreh dhe nivelin e lartë të nervizimit mes të dy vendeve, që pas vendimit të Bullgarisë për të përdorur veton ndaj Maqedonisë së Veriut, në lidhje me hapat e mëtejshme të këtij vendi drejt anëtarësimit në BE. Vetoja bullgare është kritikuar gjerësisht nga shumë vende të BE-së, si dhe nga kryeministri shqiptar, Edi Rama.
https://www.facebook.com/rtshradiotelevizionishqiptar/videos/1102456463950958
/rtsh.al/
