Krerët e shteteve dhe qeverive të Rumanisë, Azerbajxhanit, Gjeorgjisë dhe Hungarisë kanë nënshkruar të shtunën një marrëveshje për ndërtimin e një kablloje nënujore të energjisë elektrike nën Detin e Zi, njofton ATSH.
Në ceremoninë e zhvilluar në Pallatin Presidencial të Bukureshtit mori pjesë edhe presidentja e Komisionit të BE-së, Ursula von der Leyen.
Projekti që pritet të përfundojë brenda katër vjetësh, synon të kontribuojë në diversifikimin e furnizimit me energji elektrike të Evropës.
Energjia elektrike nga rajoni i Kaukazit Jugor do të zvogëlojë më tej varësinë e Europës nga burimet e energjisë ruse.
“Dy brigjet e Detit të Zi nuk kanë qenë kurrë më afër”, shkroi von der Leyen në Twitter.
Më herët, presidenti i Azerbajxhanit, Ilham Aliyev dhe kryeministrat e Rumanisë, Gjeorgjisë dhe Hungarisë respektivisht, Nicolae Ciuca, Irakli Garibashvili dhe Viktor Orban nënshkruan dokumentin zyrtar.
“Marrëveshja vendos thekson rëndësinë e energjisë se rinovueshme”, shtoi von der Leyen.
Gjeorgjia dhe Azerbajxhani ndodhen në malet e Kaukazit. Të dy vendet kanë potencial të konsiderueshëm hidroenergjetik.
Gjeorgjia dhe Rumania ndodhen në Detin e Zi, ndërsa Hungaria kufizohet me Rumaninë.
( Sipas ATSH )