Ndonëse uniformat blu nuk kanë dhënë zyrtarisht asnjë detaj rreth këtij operacioni, burime brenda tij bëjnë me dije, se RENEA realizoi një operacion “blic”, ku në fokus ishin të fortët e përfshirë në ngjarje të ndryshme kriminale, ende të pazbardhura.
Bëhet e ditur, se ka qenë SPAK që ka urdhëruar forcat e policisë për këto kontrolle, të cilat synojnë banesat e emrave të njohur të botës së krimit, Valter e Durim Bami, Ylli Çangu, Bedri Haka, Ervin Kodra, kushëriri i Durim Bamit.
Sipas të dhënave, vetëm Valter Bami është gjetur në shtëpi.
Nikla e Fushë-Krujës është zonë e krehur edhe herë të tjera nga policia për shkak të personave me rekorde kriminale që jetojnë apo strehohen aty.