Një lajm që ka qarkulluar në media se qeveria do të taksojë biznesin e vogël është përgënjeshtruar nga kryeministri Edi Rama.
Duke i cilësuar lajme të tilla si “tutkunërira mediatike” në një postim në Twitter Rama shprehet se biznesi i vogël do të vijojë të jetë me taksë dhe TVSH zero deri në vitin 2029.
”Një lajm i rremë ka marrë dhenë: Rama do të taksojë biznesin e vogël! Ne jemi partia që e bëri Shqipërinë të vetmin vend në Europë me taksë zero e me TVSH zero për Biznesin e Vogël dhe kjo (e kemi thënë) nuk do të ndryshojë deri në vitin 2029!Të tjerat janë tutkunërira mediatike!” shkruan në reagim Rama.
/rtsh.al/