Një vit më parë, zonat turistike të Lezhës u trajtuan që në muajin prill për minimizimin e pranisë së mushkonjave kryesisht në qytet si dhe bregdetin e Talës dhe Shëngjinit.
Pavarësisht se jemi në kulmin e sezonit veror dhe Shëngjini ka njohur fluks të lartë vizitorësh, ky proces ende nuk është realizuar.
Pushuesit në Shëngjin e Tale flasin për një shqetësim që sigurisht nuk mund të kalohet lehtë gjatë mbrëmjes. Pickimi i mushkonjave është një bezdisje e madhe për ta, ndaj kërkojnë zgjidhje.
Pavarësisht se mjekët në Shëngjin nuk duan të flasin, pickimi i mushkonjave shkakton enjtje të lëkurës, skuqje, kruarje dhe dhembje.
Për fëmijët, pacientët me imunitet të dobët dhe turistët mund shfaqet edhe ngritje temperature. Anafilaksia është dukuri e rrallë te pickimi i mushkonjave, mirëpo kur ndodh kjo mund të jetë fatale.
Gazetare: Megi Mehilli
/RTSH/
