Masat ajrore të qëndrueshme por të ftohta me origjinë nga Siberia, prej ditësh kanë përfshirë vendin tonë dhe kanë sjellë mot të kthjellët me temperatura shumë të ulëta.
Shefja e sektorit të parashikimit, në Shërbimin Meteorologjik Ushtarak, Besa Sherollari u shpreh se termometri ka shënuar temperaturën më të ulët deri -10 gradë- Celcius.
Sipas Sherollarit, ndryshime priten në ditën e premte ku do të kemi rritje graduale të temperaturave në zonat malore të zbresin -7 gradë, në zonat e ulëta -1 dhe për bregdetin të dalin nga vlerat negative deri në 3 gradë Celcius.
E hëna do të mbetet me kushte atmosferike të qëndrueshme, ku temperaturat do të pësojnë një rritje të ndjeshme.
/rtsh/