RTSH 24 Live

Rajoni

Presidenti Meta takon Ali Ahmetin: Zbatimi i Korridorit 8, do të lidhë më shumë vendet tona!

12/01/2022

Presidenti Meta takon Ali Ahmetin: Zbatimi i Korridorit 8, do të lidhë më shumë vendet tona!

Presidenti i Republikës Ilir Meta u prit në një takim nga kreu i Bashkimit Demokratik për Integrim, Ali Ahmeti. Në një postim në Facebook Meta theksoi se gjatë takimit fokusi kryesor ishte përshpejtimi i proceseve integruese dhe anëtarësimi në BE. Gjithashtu, Meta tha se zbatimi i projektit madhor të Korridorit 8-të, do të lidhë më shumë vendet  dhe do të jetë thelbësor për një të ardhme më të mirë të qytetarëve të Shqipërisë dhe Maqedonisë së Veriut.
“I hapur dhe i përzemërt, si gjithmonë, takimi me liderin e Bashkimit Demokratik për Integrim, Ali Ahmeti. Shkëmbyem vlerësime të vlefshme për zhvillimet në vendet tona, me fokus përshpejtimin e proceseve integruese që mundësojnë çeljen sa më parë të negociatave të anëtarësimit me Bashkimin Europian.
Vlerësuam së bashku se zbatimi i projektit madhor të Korridorit 8-të, do të lidhë më shumë vendet tona dhe do të jetë thelbësor për një të ardhme më të mirë të qytetarëve të Shqipërisë dhe Maqedonisë së Veriut”, shkroi Meta në Facebook.