Anijet turistike dhe jahte po përfshijnë gjithnjë e më shumë Shqipërinë në agjendat e tyre, duke e kthyer atë në një prej destinacioneve të preferura.
Përgjatë periudhës janar-tetor 2022, 91 mjete lundruese turistike janë ndalur në Portin e Durrësit, duke sjellë me vete 4678 turistë të huaj.
Kapiteni i portit, Tauland Allka, tregon se vetëm kroçera përgjatë këtij viti kanë ardhur 21, duke e futur Shqipërinë në axhendën turistike botërore.
Allka thotë se nga ana e autoritet portual është mundësuar infrastruktuara e nevojshme për ankorimin e anijeve turistike si dhe sigurimi i kushteve të duhura gjatë qëndrimit në Durrës.
Vizita e kroçerave dhe shumë anijeve turistike të paplanifikuara më herët, për Autoritetin Portual janë dëshmi e një sezoni të suksesshëm, trend që pritet të vijoj edhe vitin e ardhshëm.
/ rtsh.al /
