Autoritetet polake kanë vendosur të riemërtojnë enklavën ruse të Kaliningradit me emrin e gjuhës amtare Krolewiec, shkruan ANSA.
Nisma e pushtetit vendor mbështetet nga Varshava, raporton agjencia kombëtare Pap. "Polonia po kthehet në emërtimin tradicional në lidhje me historinë dhe trashëgiminë e saj kulturore," tha Ministria e Zhvillimit dhe Teknologjisë Waldemar Buda, duke shtuar: "Ne nuk duam rusifikimin". Nga ana e tij Kremlini këtë verpim. "Kjo nuk është më as rusofobi, këto janë gjyqe që kufizohen me marrëzinë," tha zëdhënësi Dmitry Peskov.
Kaliningrad, një enklavë ruse që kufizohet me Poloninë, deri në vitin 1946 njihej si Königsberg, duke qenë pjesë e Gjermanisë përpara se të
Për qindra vjet përpara Luftës së Dytë Botërore, zona njihej si Königsberg dhe ishte pjesë e Prusisë Lindore.
Królewiec është përkthimi polak i Königsberg.
Megjithatë, pas Luftës së Dytë Botërore, qyteti dhe rajoni më gjerë u vunë nën administrimin sovjetik. Sovjetikët e quajtën atë Kaliningrad sipas Mikhail Kalinin, një nga udhëheqësit e revolucionit bolshevik.
Pas rënies së Bashkimit Sovjetik, Kaliningrad u bë pjesë e territorit të Rusisë, duke e bërë atë një enklavë, një zonë që është e ndarë gjeografikisht nga territori kryesor i një vendi, që ndodhet midis Polonisë dhe Lituanisë.
Kaliningrad është strategjikisht i rëndësishëm për Moskën, sepse strehon Flotën Ruse Balltike në portin e Baltiysk dhe është një nga portet e vetme evropiane të Rusisë pa akull.
Komiteti i Polonisë për Standardizimin e Emrave Gjeografikë jashtë Republikës së Polonisë tha se po rekomandonte me efekt të menjëhershëm që qyteti të njihet në Poloni si Królewiec dhe zona më e gjerë e enklavës si Obwód Królewiecki.
Ai tha se emri Kaliningrad nuk kishte lidhje as me qytetin dhe as me rajonin dhe kishte një rezonancë "emocionale dhe negative" në Poloni.
Mikhail Kalinin ishte një nga gjashtë nënshkruesit e Byrosë Politike Sovjetike të urdhrit për të ekzekutuar më shumë se 21,000 të burgosur polakë të luftës në pyjet e Katinit dhe gjetkë në vitin 1940.
Pushtimi rus i Ukrainës dhe përpjekjet e saj propagandistike e kishin shtyrë Poloninë të rivlerësonte "emrat e imponuar" të diskutueshëm, shtoi komiteti.
"Çdo vend ka të drejtë të përdorë në gjuhën e tij emra tradicionalë që përbëjnë trashëgiminë e tij kulturore, por nuk mund të detyrohet të përdorë emra të papranueshëm prej tij në gjuhën e tij," tha komiteti.
Moska fillimisht fajësoi nazistët për Masakrën e Katinit kur gjermanët zbuluan varret masive në 1943.
/ rtsh. al /
