Një 29-vjeçar është plagosur me thikë në mes të sheshit “Skënderbej” në orët e para të mëngjesit të sotëm. Sipas informacionit paraprak të policisë, një shtetas i cili mbetet ende i paidentifikuar ka goditur me thikë 29-vjeçarin me iniciale O.D.
Ky i fundit ka përfunduar në spital, jashtë rrezikut për jetën. Ndërkaq, grupi hetimor po punon për sqarimin e rrethanave të ngjarjes, identifikimim dhe kapjen e autorit.
Njoftimi i policisë:
Tiranë/Informacion paraprak
Më datë 27.01.2023, rreth orës 02:10, te sheshi "Skënderbej", një shtetas ende i paidentifikuar ka goditur me mjet prerës thikë, shtetasin O. D., 29 vjeç.
Si pasojë 29-vjeçari është dëmtuar dhe ndodhet në spital, jashtë rrezikut për jetën.
Grupi hetimor po punon për sqarimin e rrethanave të ngjarjes, identifikimim dhe kapjen e autorit.