Një telefonues misterioz ka ndërprerë konferencën për shtyp të Ministrisë së Punëve të Jashtme të Rusisë për të ndaluar rrjedhjen e informacionit në lidhje me hedhjen e supozuar të një rakete balistike ndërkontinentale (ICBM) në Ukrainë.
Zëdhënësja Maria Zakharova ishte në mes të konferencës, duke u pyetur nga gazetarët, kur i ra celulari. Në telefon dëgjohet një zë mashkulli që e udhëzon atë "të mos komentojë" për raketën në Ukrainë në orët e para të mëngjesit të së enjtes.
Pjesë të bisedës së tyre u dëgjuan nga dy mikrofonat e vendosur përballë saj.
Burri përdori fjalën "Mash" jo formale në vend të Maria në fillim të telefonatës, duke i thënë më pas të mos komentonte për raketën ICBM.
"Po, përshëndetje," tha Zakharova, sipas regjistrimit të konferencës.
"Mash," tha burri, i cili nuk u identifikua.
"Po, jam në një konferencë," tha Zakharova.
“Për sulmin me raketa balistike në Yuzhmash (kompania e raketave Pivdenmash) për të cilën po flasin mediat perëndimore, ne nuk po komentojmë fare”, i tha ai.
E pyetur për bisedën e agjencive shtetërore ruse të lajmeve, Zakharova tha se gjatë përgatitjes për konferencën ajo kishte kërkuar nga ekspertët sqarime për disa tema, siç është praktikë standarde.
“Përgjigja erdhi gjatë konferencës – Ministria e Jashtme nuk komenton. Pra, nuk ka asnjë intrigë!”, citohet të ketë thënë Zakharova nga agjencia shtetërore e lajmeve RIA.
/rtsh.al/
