Ka ndërruar jetë në moshën 53-vjeçare aktorja amerikane Anne Heche, një javë pas aksidentit me makinë. Ylli 53-vjeçar i filmave Donnie Brasco, Catfight dhe ribërjen e Psycho, nuk mundi të shpëtonte pas përplasjes me makinë më 5 gusht.
Ane Heche pas aksidentit po mbahej në jetë me aparatura, ndërsa më 8 gusht, ajo pësoi “vdekje të trurit”, dhe rrahjet e zemrës së saj po ruheshin në rast se mund të bëhej dhurim organesh. Djali i madh i Heche, 20-vjeçari Homer, lëshoi një deklaratë në emër të tij dhe të vëllai 13-vjeçar Atlas, raporton The Guardian.
"Vëllai im Atlas dhe unë humbëm nënën tonë," i tha ai People. “Pas gjashtë ditësh të lëkundjeve emocionale pothuajse të pabesueshme, unë kam mbetur me një trishtim të thellë dhe pa fjalë. Shpresoj që nëna ime të jetë e lirë nga dhimbja dhe të fillojë të eksplorojë atë që më pëlqen të imagjinoj si lirinë e saj të përjetshme. Gjatë atyre gjashtë ditëve, mijëra miq, familje dhe fansa më bënë të njohura zemrat e tyre. Unë jam mirënjohës për dashurinë e tyre, siç jam për mbështetjen e babait tim, Coley, dhe njerkës sime Alexi, të cilët vazhdojnë të jenë shkëmbi im gjatë kësaj kohe. Pusho në paqe mami, të dua," tha Homer Heche. Aktorja përplasi më 5 gusht makinën e saj në një shtëpi në Los Anxhelos.
Heche, u bë e njohur në fillim të viteve 1990, duke luajtur binjakët në telenovelën “Një Botë tjetër”, dhe me role filmike, duke përfshirë motrën e Catherine Keener në filmin debutues të Nicole Holofcener, “Walking and Talking”.
Roli i saj i parë i madh ishte si e dashura e Johnny Depp në dramën gangstere “Donnie Brasco” (1997). Në të njëjtin vit, ajo luajti në “Wag the Dog”, "Vullkan" dhe "I Know What You Did Last Summer".
/rtsh.al/
