Teksa ka nisur numërimi mbrapsht i orëve për finalen e madhe të Conference League, dy ekipet Roma dhe Feynoord kanë mbërritur në Tiranë dhe kanë inspektuar fushën e stadiumit “Air Albania” ku do të luajnë më 25 maj.
Holandezet kanë planifikuar një seancë stërvitore në fushën e blertë të “Air Albania”, ndërsa ekipi i Romës i José Mourinhos ka vendosur vetëm të bëj një inspektim të fushës, pa e ndjerë nevojën e parapërgatitjes.
Të shumtë janë edhe tifozët e të dyjave ekipeve që kanë mbërritur në Tiranë për të mbështetur skuadrën e tyre të zemrës. Janë me mijëra që kanë mbërritur deri tani dhe shumë të tjera do u bashkohen festimeve ditën e nesërme.
Tirana është zbukuruar me banderola shumëngjyrëshe për finalen europiane të Conference League të ekipit të Romës dhe Feyenoord, ndërsa kryeqyteti është ‘ndezur’ nga brohorimat e tyre.
Një ditë para finales mbërriti në Tiranë edhe Presidenti i UEFA-s Alexandër Ceferin, i cili u prit nga presidenti i FSHF-së Armando Duka.
/rtsh.al/
