Dy persona janë arrestuar këtë të shtunë në Tiranë, të akuzuar se vidhnin qytetarë të ndryshëm në sheshin “Skënderbej”. Nëpërmjet një njoftimi, Policia bën me dije se shtetasit K. B., 20 vjeç dhe R. B., 16 vjeç, të dy banues në Tiranë, u vidhnin sendet personale qytetarëve nën kërcënimin e thikës dhe një pistolete lodër. Po ashtu kanë nisur hetimet në gjendje të lirë edhe për një 14-vjeçar, që dyshohet i përfshirë.
Ata u kapën në flagrancë në sheshin “Skënderbej”, ndërsa akuzohen se kanë vjedhur 3 persona gjatë ditëve të fundit.
Materialet procedurale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.
/rtsh.al/