Moti i keq me reshje të dendura shiu dhe stuhi ka përfshirë Kosovë, duke sjellë edhe probleme në vend si pasojë e përmbytjeve. Më problematike situata paraqitet në Gjakovë dhe në Rahovec.
Në Gjakovë janë evakuuar disa familje, teksa rrugët janë shndërruar në “përrenj” si pasojë e vërshimit të ujit.
Ndërkaq, gjendje e rëndë është paraqitur edhe në rrugët e Rogovës së Hasit si dhe në Krushë të Madhe të Rahovecit.
Kryetari i komunës së Rahovecit, Smajl Latifi ka bërë të ditur se ka në këtë komunë ka dëme të mëdha nga përmbytjet si pasojë e reshjeve të mëdha të shiut. Latifi përmes një postimi në Facebook ka kërkuar përkrahjen urgjente të Qeverisë.
/rtsh.al/