Gadishulli i Ballkanit po ndikohet nga qendra me presion të ulët atmosferik duke kushtëzuar reshje shiu, stuhi dhe temperatura të ulëta në territorin e Shqipërisë.
E Premte, data 02 Shtator 2022
Moti do të jetë me vranësira mesatare deri të dendura shtresore të pasuara nga reshje shiu dhe stuhi me aktivitet kryesor në zonën Veriperëndimore. Era do të jetë e vrullshme me drejtim Jug-Perëndim me shpejtësi 10-15 m/sek në bregdet. Valëzimi do të jetë i forcës 4-5 me lartësi vale 0,5 deri në 1,5 metër në det të hapur. Temperaturat do të jenë me rënie.
Temperaturat minimale dhe maksimale:
Zona malore 15/23°C
Zona e ulët 16/28°C
Zona bregdetare 20/28°C
Moti do të jetë me vranësira mesatare ,reshje shiu dhe stuhi. Era do të jetë me drejtim Veri-Perëndim me shpejtësi 8 m/sek. Temperaturat do të luhaten në ekstremet e tyre 15°C në mëngjes ndërsa në mesditë do të jenë me rritje 19°C -21°C .
E Shtunë, data 03 Shtator 2022
Moti do të jetë me kthjellime në bregdet, dhe vranësira mesatare në zonat malore ku nuk përjashtohet mundësia e reshjeve të shiut lokale. Era do të jetë me drejtim Veri-Perëndim me shpejtësi 8-15 m/sek në bregdet. Valëzimi do të jetë i forcës 4 me lartësi vale 0,5 deri në 1,5 metër në det të hapur. Temperaturat do të jenë me rritje.
Temperaturat minimale dhe maksimale:
Zona malore 15/28°C
Zona e ulët 17/32°C
Zona bregdetare 20/31°C
Meteorologe: Rezarta Xhakollari