Nëse ke vetëm 2% bateri, cilin person telefonon ? Kjo është pyetja që do të shtrojmë në mëngjes në emision , duke mirëpritur telefonatat në numrin e telefonit : 042 400 603 , dhe komentet në rrjetin social Facebook .
‘’Këndi Arkivor’’ u hap në Shkup, në Leximoren e Çairit dhe tashmë do të hapet edhe në Prishtinë, ndaj ne do të jemi në një lidhje të drejtpërdrejtë me Z.Ardit Bido, Drejtor i Përgjithshëm i Arkivave .
‘’Festivali i 59-të i Këngës në RTSH’’ po bëhet gati të sjellë përpara publikut artistët pjesëmarrës që këtë vit do të marrin pjesë duke sjellë emocionet e tyre dhe ne do të kemi të ftuar në studio këngëtarin Devis Xherahu.
Por natyrisht që pjesë e pandarë e emisionit është muzika më e mirë shqiptare dhe e huaj. Informacionet rreth Aktualitetit, Politikës, Sportit, Artit, Ekonomisë dhe Kulturës vijnë drejtpërdrejt nga webi i ''rtsh.al''.
Parashikimi i Motit, lidhjet me korrespondentët nëpër rrethe, kuriozitete dhe aforizma, ngjarjet nga muzika botërore dhe shumë surpriza të tjera i gjeni vetëm duke na ndjekur nga ora 07:00-10:00 në RTSH 1, Radio Tirana 1 ose në telefonin tuaj celular me aplikacionin ''RTSH TANI'', i cili serviret pa pagesë për të gjithë telefonat e mençur .